Xəbər verdiyimiz kimi ölkə üzrə ümumi təhsil məktəblərində 30 min 615 kişi müəllim çalışır. 2024/2025-ci tədris ilində ümumi təhsil müəssisələrində çalışan kişi ibtidai sinif müəllimlərinin sayı isə 1781 nəfərə bərabərdir.
Bəs görəsən, bu say regionlar üzrə necə bölünüb?
AzEdu.az statistika ilə bağlı Qazax-Tovuz Regional Təhsil İdarəsinə sorğu ünvanlayıb.
Sorğumuza verilən cavaba əsasən, Qazax-Tovuz RTİ üzrə 68 nəfər kişi ibtidai sinif müəllimi var.
“Onlardan 26 nəfər Gədəbəydə, 3 nəfər Qazaxda, 10 nəfər Şəmkirdə, 29 nəfər Tovuzda fəaliyyət göstərir. İdarənin tabeliyində olan Ağstafa bölgəsində isə heç bir kişi ibtidai sinif müəllimi yoxdur”.
