Azərbaycan Memarlıq və İnşaat Universitetində (AzMİU) Tələbə Gənclər Təşkilatının və “Accent Academy” nin təşkilatçılığı ilə “Proqramlaşdırmaya giriş” adlı seminar keçirilib.
AzEdu.az xəbər verir ki, seminarın qonağı “Accent Academy”nin İT üzrə müəllimi İlkin Hüseynov olub.
İ.Hüseynov tələbələrə proqramlaşdırmanın istiqamətlərindən, onların inkişaf dinamikasından, bu sahənin əhəmiyyətini göstərən bir sıra məqamdan danışıb. Proqramlaşdırma sahəsində karyera qurmaq istəyən tələbələrin potensialını üzə çıxarmaq, onların bu sahədə fərdi və peşəkar inkişaf yolları ilə bağlı tövsiyələr verib.
Sonda tələbələrin sualları cavablandırılıb
