“Sertifikasiyadan keçəcək 33 315 nəfərdən 5 290-ı yaşı 60-dan yuxarı olan müəllimlərdir”.

AzEdu.az xəbər verir ki, bunu elm və təhsil naziri Emin Əmrullayev Bakı şəhəri 6 nömrəli məktəb-liseydə keçirilən brifinqdə deyib.

"33 315 nəfər müllimin məlumatı sistemə daxil edilib. Bu da növbəti sertifikatlaşdırmaya cəlb olunacaq müəllimlərin sayıdır. Qeyd edək ki, bu müəllimlərdən 5 290 nəfəri 60 yaş üzəri olan müəllimlərdir. Müəllimlər tərəfindən yanlış anlaşılmasın deyə onu da izah edim ki, 60 yaşı tamam olmuş müəllimlər istəyərsə könüllü şəkildə sertifikasiyada iştirak edə bilər. 

Ancaq xüsusi bir məqamı vurğulamalıyıq ki, 2 dəfə sertifikasiyada uğursuz olan 60 yaşı tamam olmuş müəllimin əmək müqaviləsinə xitam veriləcək".