Azedu.az
https://modern.az/ https://www.instagram.com/apak.az/
2020-01-16 13:49:00
Yaqub Mahmudov Beynəlxalq Atatürk Mükafatına layiq görülüb

Azərbaycan Milli Elmlər Akademiyası (AMEA) Tarix İnstitutunun direktoru, akademik Yaqub Mahmudov Türk Dünyası Araşdırmaları Beynəlxalq Elmlər Akademiyasının Beynəlxalq Mükafat Komitəsinin  qərarı ilə Beynəlxalq Atatürk Mükafatına layiq görülüb.

Tarix İnstitutundan verilən məlumata görə, Yaqub Mahmudova bu mükafat türk dünyası elmi və təhsilindəki böyük xidmətlərinə görə verilib.

Tarix İnstitutunun elmi katibi İradə Əliyeva Elmi Şuranın iclasında akademiyanın Beynəlxalq Mükafat Komitəsinin qərarını səsləndirib. O, mükafatın diplomu, döş nişanı və üzərində Türkiyə Cümhuriyyətinin banisi Mustafa Kamal Atatürkün şəkli olan xatirə plaketini akademikə təqdim edib.

Xatırladaq ki, Y.Mahmudov bundan əvvəl Türk Dünyası Araşdırmaları Beynəlxalq Elmlər Akademiyasının həqiqi üzvü seçilib və türk dünyası elminə verdiyi böyük töhfələrə görə akademiyanın “Beynəlxalq Qızıl Ulduz” medalı ilə təltif edilib.