Türkiyəli gənc şahmatçı Yağız Kaan Erdoğmuş 14 yaşında 2700 ELO səviyyəsini keçərək dünya şahmat tarixində yeni bir uğura imza atıb.
AzEdu.az Türkiyə mediasına istinadən xəbər verir ki, bu nəticə ilə Erdoğmuş, 2700 ELO reytinqini əldə edən ən gənc böyükusta kimi tarixə düşüb.
Bununla o, bu göstəriciyə ən erkən yaşda çatan şahmatçılar siyahısında birinci yerə yüksəlib.
Gənc idmançının bu nailiyyəti beynəlxalq şahmat ictimaiyyəti tərəfindən böyük maraqla qarşılanıb və gələcək karyerası üçün ciddi potensial göstəricisi kimi qiymətləndirilir.
