Milli Məclisdə Xankəndidə Hüquq Universitetinin açılması təklif olunub.
AzEdu.az xəbər verir ki, sözügedən təklif parlamentin iclasında Hüquq siyasəti və dövlət quruculuğu komitəsinin sədr müavini Qüdrət Həsənquliyev tərəfindən səsləndirilib.
O, Xankəndidə hüquq universitetinin açılmasına ehtiyac olduğunu bildirib.
"Orada bizim vətəndaşlarımız təhsil alsın, hüquqşünas olsun. Çünki bizdə vəkillərin sayı azdır", - deputat vurğulayıb.
Deputat Hikmət Babaoğlu isə deyib ki, yaxın gələcəkdə Xankəndidə tək hüquq sahəsi üzrə deyil, eləcə də tarix üzrə ixtisasların tədrisi edilə biləcək ali təhsil müəssisələrinin olması yaxşı olardı.
