Bakı şəhər Təhsil İdarəsinin tabeliyində fəaliyyət göstərən 20 məktəbəqədər təhsil müəssisəsinin rəhbəri Estoniya və Finlandiyada təcrübə mübadiləsində iştirak edib.

Bakı Şəhəri üzrə Təhsil İdarəsindən AzEdu.az-a bildirilib ki, təcrübə mübadiləsi müddətində “Ailə ilə əməkdaşlıq”, “Yaşıl məktəb layihələri”, “Robotika və təhsilin rəqəmsallaşdırılması” , “Effektiv ünsiyyət” kimi təlimlərdə iştirak ediblər.

Bununla yanaşı, Estoniya və Finlandiyanın məktəbəqədər təhsil təcrübəsi, bağçaların fəaliyyəti ilə də yaxından tanış olublar.

Təcrübə mübadiləsinin keçirilməsində məqsəd beynəlxalq təcrübənin öyrənilməsi və həmin təcrübəni yerli məktəbəqədər təhsil sistemində tətbiq etməkdən ibarətdir.

Məktəbəqədər təhsildə uşaqların idrak, sosial-emosional, fiziki və nitq inkişafı üçün imkanların yaradılması bizim əsas hədəflərimizdəndir.