UNEC-in Dərbənd filialına sənəd qəbulu elan edilir

Azərbaycan Dövlət İqtisad Universitetinin (UNEC) Dərbənd filialı 2026/2027-ci tədris ili üçün bakalavr səviyyəsi üzrə abituriyent qəbulunu elan edir.

AzEdu.az xəbər verir ki, qəbul aşağıdakı ixtisaslar üzrə əyani-qiyabi təhsil formasında həyata keçirilir:

Maliyyə və kredit;
Mühasibat uçotu, təhlil və audit;
Ümumi iqtisadiyyat.

Təhsil ödənişli (müqavilə əsasında) təşkil olunur. Təhsil müddəti 4 il 6 ay təşkil edir.

Rusiya Federasiyasının vətəndaşları qəbul qaydalarına uyğun olaraq Rusiya Federasiyasının qüvvədə olan qanunvericiliyinə əsasən qəbul edilirlər.

Xarici ölkə vətəndaşları üçün aşağıdakı fənlər üzrə qəbul imtahanları keçirilir:

Riyaziyyat – test üsulu ilə;
Azərbaycan və rus dilləri – imla;
Coğrafiya – test üsulu ilə.

Əyani-qiyabi təhsil forması üzrə sənəd qəbulu 19 avqust – 25 sentyabr 2026-cı il tarixlərində aparılır.

Müsabiqədə iştirak etmək istəyən şəxslər Dərbənd filialının qəbul komissiyasına aşağıdakı sənədləri təqdim etməlidirlər:

qəbul üçün müəyyən olunmuş ərizə;
şəxsiyyəti və vətəndaşlığı təsdiq edən sənədin rus dilinə tərcümə edilmiş, notariat qaydasında təsdiq olunmuş surəti;
təhsil haqqında sənədin əsli və rus dilinə tərcümə edilmiş, notariat qaydasında təsdiq olunmuş surəti;
3×4 sm ölçüdə 6 ədəd fotoşəkil;
rus dilində tərtib edilmiş tibbi arayış (Forma 086-U).

Qəbul komissiyası həftənin beş günü saat 09:00–18:00, şənbə günü isə 09:00–16:00 aralığında fəaliyyət göstərir.

Sənədləri [email protected] elektron poçt ünvanına da göndərmək mümkündür.

Qəbul prosesi ilə bağlı ətraflı məlumatı www.ageu-derbent.ru rəsmi internet saytından, 8 (724) 04-52-86/87, 012 492 59 03 (daxili: 1190), +7 967 582 01 73 (WhatsApp) telefon nömrələrindən və [email protected] elektron poçt ünvanından əldə edə bilərsiniz.

Ünvan:

Rusiya Federasiyası, Dağıstan Respublikası, Dərbənd şəhəri, Heydər Əliyev küçəsi (keçmiş Sovetski küçəsi), 10B, 101 nömrəli auditoriya.