Ali təhsil müəssisələrində tələbələrin akademik nailiyyətləri onların tədris prosesindəki uğurlarının əsas göstəricilərindən hesab olunur. Yaz semestrinin imtahan sessiyasının nəticələrinə əsasən yüksək əldə edən tələbələr fərqləndirilir.
AzEdu.az bu məqsədlə Bakı Slavyan Universitetinə (BSU) sorğu ünvanlayıb.
Universitetdən sorğumuza cavab olaraq bildirilib ki, 2025/2026-cı tədris ilinin yaz semestrinin nəticələrinə əsasən fakültələr və ixtisaslar üzrə ən yüksək ÜÖMG göstəricilərinə malik tələbələr müəyyənləşdirilib.
Məlumata görə, universitet üzrə ən yüksək nəticəni Filologiya fakültəsinin Azərbaycan dili və ədəbiyyatı müəllimliyi ixtisasının III tədris ili tələbəsi Abasova Yenigül İlqar qızı göstərib. O, 100 bal toplayıb.
Fakültələr üzrə ən yüksək nəticə göstərən tələbələr aşağıdakılardır:
Filologiya fakültəsi üzrə:
Yenigül Abasova - Azərbaycan dili və ədəbiyyatı müəllimliyi ixtisası-100 bal;
Aylin Rəhmanova- Tərcümə (rus dili–çex dili) ixtisası, Xarici dil müəllimliyi - 98,8 bal.
Şərqi Avropa və Balkanşünaslıq fakültəsi üzrə:
Leyla Qocalı - Xarici dil müəllimliyi (ingilis dili üzrə) ixtisası- 98,46 bal.
Sosial elmlər və regionşünaslıq fakültəsi üzrə:
Dəniz Əlizadə- Tərcümə (Azərbaycan dili-ingilis dili) ixtisası- 98,53 bal.
Təhsil fakültəsi üzrə:
Elvira İbrahimova - Korreksiyaedici təlim ixtisası- 98,83 bal.
