2025/2026 tədris ilindən etibarən İtaliyada tibb, diş həkimliyi və baytarlıq üzrə universitetlərə qəbul proseduru əhəmiyyətli dərəcədə dəyişəcək.
AzEdu.az xarici KİV-ə istinadən xəbər verir ki, əvvəlki illərdə tələbələr milli səviyyədə keçirilən müsahibələr vasitəsilə seçilirdilərsə, yeni sistemdə ilkin semestr imtahanları və qiymətləndirmə nəticələri əsas götürüləcək. Bu islahatın məqsədi tibb təhsilinə giriş imkanlarını daha açıq və liberallaşdırmaq, eyni zamanda seçim prosesini daha şəffaf və akademik göstəricilərə əsaslanan bir formata çevirməkdir.
Yeni qayda tələbələrin ilkin akademik performansını qiymətləndirərək universitetlərə qəbul edilməsini təmin edəcək, beləliklə həm motivasiyalı, həm də hazırlıqlı tələbələrin seçilməsinə şərait yaradılacaq. Ekspertlər hesab edirlər ki, bu dəyişiklik İtaliyadakı tibb və səhiyyə sahəsində təhsil sisteminin modernləşdirilməsi və tələbələrin bacarıqlarının real dəyərləndirilməsi baxımından əhəmiyyətli addımdır.
