15-16 fevral tarixlərində Bakı Mühəndislik Universitetində (BMU) Respublika Fənn Olimpiadasının informatika fənni üzrə yarımfinal turu baş tutub.
Bu barədə AzEdu.az-a BMU-dan məlumat verilib.
İlk gün adıçəkilən fəndən aşağı yaş qrupu üzrə yarımfinal mərhələsi, növbəti gün isə 10-11-ci sinif şagirdlərinin iştirak etdiyi yuxarı yaş qrupu üzrə yarımfinal mərhələsi keçirilib. BMU-da təşkil olunan olimpiadada iki gün ərzində 135 şagird fəal iştirak edib. Qeyd edək ki, Respublika Fənn Olimpiadasında ümumilikdə aşağı və yuxarı yaş qrupları üzrə 2100-dən çox şagird final mərhələsinə vəsiqə qazanmaq üçün mübarizə aparıb.
