11-22 noyabr tarixlərində Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) könüllü qismində iştirak etmiş UNEC tələbələri təltif olunublar.
AzEdu.az xəbər verir ki, Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29), Kioto Protokolunun Tərəflər Görüşünün 19-cu sessiyası və Paris Sazişinin Tərəflər Görüşünün 6-cı sessiyasında UNEC-in 350 tələbəsi könüllülük fəaliyyəti göstərib.
Azərbaycanın ev sahibliyi ilə keçirilmiş mötəbər tədbirdə könüllülük fəaliyyətinə verdikləri dəyərli töhfələrə görə UNEC tələbələri rektor, professor Ədalət Muradovun əmri ilə “Fəxri Fərman”larla təltif olunublar.
