https://www.zirve.edu.az/
11.03.2018 07:58
Bölgələrdə keçirilən imtahanlarla bağlı DİM-dən daha bir açıqlama
Çap et

Xəbər verdiyimiz kimi, 27 bölgədə 9-cu sinif şagirdlərinin buraxılış imtahanları keçirilir. İmtahan saat 11:00-da başlayıb.

Dövlət İmtahan Mərkəzinin mətbuat xidmətinin rəhbəri Xanlar Xanlarzadə AzEDU.az-a açıqlamasında bildirib ki, buraxılış imtahanları keçirilən bütün məntəqələr nəzarətdə saxlanılır: “İmtahan 2 saat davam edəcək. Esse yazmaq istəyən şagirdlərə isə yarım saat əlavə vaxt ayrılır. İmtahan başa çatdıqdan sonra protokollar Dövlət İmtahan Mərkəzinə təhvil veriləcək və onların emalı prosesinə başlanılacaq. Araşdırma nəticəsinə əsasən, imtahanda nə qədər şagirdin iştirak etmədiyi və kənarlaşdırıldığı məlum olacaq”.

Qeyd edək ki, imtahanda 40 minə yaxın şagirdin iştirakı nəzərdə tutulur.

Nəzrin Rüstəmova

Nəzrin Rüstəmova
Müəllifin digər yazıları