Masallı rayonu Qəriblər kənd tam orta məktəbinin fizika müəllimi, "Örnək müəllim" Emil Bayramovun şagirdləri olimpiadada uğur qazanıblar.
AzEdu.az-ın əldə etdiyi məlumata əsasən, E. Bayramovun üç şagirdi LDU-da keçirilən olimpiadada 2 qızıl, 1 bürünc medala layiq görülüb.
Belə ki, olimpiada qalibləri olan Səyyarə Əliyeva (qızıl medalçı) Masallı rayon Qəriblər kənd tam orta məktəbin 10-cu, Rəvan Rzalı (qızıl medalçı) Masallı rayon Lürən kənd tam orta məktəbin 10-cu və Əlihasil Əsgərov (bürünc medalçı) isə Dəfinə liseyin 11-ci sinif şagirdidir.
Qeyd edək ki, ötən günlərdə Lənkəran Dövlət Universiteti və Lənkəran-Astara Regional Təhsil İdarəsinin birgə təşkilatçılığı ilə LDU-da 5 aprel 2025-ci il tarixində fizika, riyaziyyat, informatika, kimya, biologiya və coğrafiya fənləri üzrə keçirilən zona fənn olimpiadası qaliblərinin bu gün mükafatlandırılma mərasimi keçirilib.
