Azərbaycan Respublikası Əmək Məcəlləsinin 105-ci maddəsinin 7-ci hissəsinə əsasən bayram və həftələrarası istirahət günləri biri digərindən əvvəl və ya sonra gələrsə, iş və istirahət günlərinin ardıcıl olmasını təmin etmək məqsədilə müvafiq icra hakimiyyəti orqanının qərarı ilə bu iş və ya istirahət günlərinin yeri dəyişdirilə bilər.

AzEdu.az  xəbər verir ki, Nazirlər Kabinetinin 18 oktyabr 2022-ci il tarixli qərarı ilə 2022-ci il 7 noyabr iş günü ilə 5 noyabr istirahət gününün yerləri dəyişdirilmişdir. Buda o deməkdir ki, şənbə günü  təhsil müəssisələrində tədris davam edəcək.

Qərara əsasən  6, 7, 8 və 9 noyabr tarixləri qeyri-iş günü hesab olunur.