Müəllimlərin dörddə üçü işlədikləri məktəbdə psixi və ruhi sağlamlıqlarına diqqət ayrılmadığını deyir.
Bu, İngiltərədə aparılan bir araşdırma zamanı ortaya çıxıb. Araşdırmaçı Jaime Smith işçilərin rifahını dəstəkləmək üçün məktəblərə olan ehtiyacın getdikcə artdığını vurğulayıb.
AzEdu.az xarici KİV-ə istinadən araşdırma nəticələrini təqdim edir:
- Sorğuya qatılan minlərlə müəllim, məktəb müdiri və məktəb kollektivinin təxminən 62%-i ağır iş yükünün onları stressə saldığını dediyi halda, iştirakçıların yarısı hesabatlılıq meyarlarının daha çox təzyiqə səbəb olduğunu;
- Hər 10 müəllimdən 4-ü (39%-i) şagirdlərin yaşadığı güvənlik, ya da psixi sağlamlıq problemlərinə görə narahat olduqları üçün əhvalsız olduqlarını;
- İştirakçların 19%-i işlərinin onlara pozitiv əhval-ruhiyyə bəxş etmədiyini;
- Sorğuda iştirak edənlərin 55%-i məktəblərdə işçilərin zehni və ruhi sağlamlıqları haqqında aşkar şəkildə danışmağa təşvik edilmədiyini;
- Müəllimlərin dörddə üçü işlədikləri məktəblərdə psixi və ruhi sağlamlıqlarına diqqət ayrılmadığını bildiriblər.
