https://www.zirve.edu.az/
15.01.2019 13:00
“Nəsimi ili” tarixi əhəmiyyətə malikdir” - Akademik

“Bunlar Azərbaycanın sabahına hesablanmış tədbirlərdir”

Prezident İlham Əliyev tərəfindən 2019-cu ilin ölkədə "Nəsimi ili" elan edilməsi Azərbaycanın öz görkəmli şəxsiyyətlərinə, klassik ədəbiyyat irsinə müstəqillik dövründə də sahib çıxdığını və yüksək qiymət verdiyini, onların nümunəsində yeni nəsli inkişaf etdirmək məqsədini aydın şəkildə göstərir.

AzEdu.az "Sputnik Azərbaycan"a istinadən xəbər verir ki, bunu Azərbaycan Milli Elmlər Akademiyasının (AMEA) vitse-prezidenti, akademik İsa Həbibbəyli deyib.

“Prezident İlham Əliyev tərəfindən qısa müddətdə Nəsimi ilə bağlı iki sərəncamın imzalanması mühüm hadisədir. Nəsiminin 650 illik yubileyinin keçirilməsi və 2019-cu ilin "Nəsimi ili" elan edilməsi artıq müstəqillik şəraitində insanlarda Nəsimi ideyaları əsasında azərbaycançılıq təfəkkürünün inkişaf etdirilməsi, bu böyük sənətkarın dünyaya tanıdılması baxımından özünəməxsus əhəmiyyət kəsb edir”.

Qeyd edək ki, Prezident İlham Əliyev 2019-cu ili Azərbaycanda “Nəsimi İli” elan edib.