Noyabrın 23-də direktorların işə qəbulu üzrə müsabiqənin test mərhələsi başa çatıb.

İnsan Resursları mərkəzindən AzEdu.az-a verilən məlumata görə, müsabiqənin imtahan mərhələsinin nəticələri barədə məlumat namizədlərin şəxsi səhifələrinə göndərilib. Namizədlər şəxsi səhifəyə daxil olaraq imtahan nəticələri ilə tanış ola bilərlər. Müsahibə mərhələsi ilə bağlı müvafiq məlumat isə yaxın günlərdə namizədlərin şəxsi səhifələrinə göndəriləcək.

Qeyd edək ki, direktorların işə qəbul müsabiqəsinə 700-ə yaxın vakant yer çıxarılıb. Test mərhələsində sualların ən azı 40%-ni cavablayanlar müsahibə mərhələsinə buraxılacaq.