Birləşmiş Ərəb Əmirliklərinin Təhsil üzrə Tənzimləyici Qurumu olan KHDA-nın 2024-2025-ci il statistikasına əsasən, Dubaydakı beynəlxalq tələbələrin 42 faizini hindistanlı tələbələr təşkil edir. Ən çox üstünlük verilən sahələr isə biznes, informasiya texnologiyaları və mühəndislikdir.
AzEdu.az xarici mənbələrdən aldığı məlumata əsasən xəbər verir ki, Dubayın inkişaf edən fintex sektoru, sənayeyə uyğun proqramlar, ingilisdilli təhsil və daha aşağı yaşayış xərcləri Hindistandan olan tələbələr üçün şəhəri cəlbedici edir.
Hazırda Dubayda BITS Pilani, Manipal Academy və Amity University kimi beş hind universitetinin filialı fəaliyyət göstərir. Eyni zamanda, ali təhsil müəssisələrində çalışan müəllimlərin 29 faizi hind əsillidir.
Ekspertlərə görə, bu artım təkcə müvəqqəti maraq deyil, regionun təhsil mənzərəsində struktur dəyişikliklərə işarə edir.
