Sentyabrın 4-dən etibarən ali təhsil müəssisələrinin boş qalan plan yerlərinə və tam (11 illik) orta təhsil bazasında kolleclərə qəbul olmaq istəyən abituriyentlərin ixtisas seçimi başlanıb.

İxtisas seçiminə münasibət bildirən təhsil eksperti Kamran Əsədov bildirib ki, ali məktəblərə ixtisas seçimindən sonra I ixtisas qrupu üzrə 1557, II ixtisas qrupu üzrə 217, III ixtisas qrupu üzrə 994, IV ixtisas qrupu üzrə 231, V ixtisas qrupu üzrə isə 350 plan yeri boş qalıb.

Ekspert indi həmin boş qalan plan yerlərinə olunan ixtisas seçiminə dair cədvəli də təqdim edib. 

IV ixtisas qrupu üzrə cəmi 5 nəfər elektron qaydada ixtisas seçimi edib. Halbuki, IV ixtisas qrupu 500 baldan yüksək nəticə göstərən 13 nəfər, 400 baldan yüksək nəticə əldə edən 36 nəfər müsabiqədən keçməyib, kəsilib.