Bu gün Rusiyada bir müəllimin orta əmək haqqı 45 min rubl ( 940 manat) təşkil edir.

AzEdu.az xəbər verir ki, bu barədə təhsil naziri Sergey Kravtsov "Rossiyskaya qazeta"ya bildirib (bu məbləğə sinif rəhbərliyi üçün 5 min rubl daxil deyil).

Onun sözlərinə görə, 2011-ci ildə müəllimlər orta hesabla 13 min (271 manat) rubldan bir qədər çox pul alıblar.

“Müəllim maaşı əlbəttə ki, layiqli olmalıdır. Həm də burada şəffaflıq yaradılmalıdır ki, hər bir müəllim bunun necə hesablandığını başa düşsün. Bu gün biz regionlarda müəllimlərin əməyinin ödənilməsi sistemləri ilə bağlı vahid tələblər hazırlayırıq, bundan sonra  qanunvericilikdə nəzərdə tutulan tarif dərəcəsi, kompensasiya ödənişləri, həvəsləndirici ödənişlər ödənilə biləcək”-deyə nazir bildirib.