Məhkəmə Rusiyanın Obyaçevo (Komi Respublikası) kəndindəki orta məktəbin həyətində oynayarkən dişlərini sındıran birinci sinif şagirdinin ailəsini yarım milyon rubl ödəməyə məcbur edib.

AzEdu.az xəbər verir ki, bu barədə məhkəmələrin mətbuat xidməti məlumat yayıb.

Sentyabr ayında birinci sinif şagirdləri məktəbin yaxınlığındakı tərk edilmiş binada lövhə tapıblar. Lövhəni məktəbin həyətinə gətiriblər, bir ucunu beton boruya söykəyib tullanmağa başlayıblar. Oğlanlardan biri yıxılıb, üzünü bu taxtaya vurub və azı iki dişini sındırıb.

Sinif rəhbəri hadisə barədə valideynlərə məlumat versə də, süd dişlərinin düşdüyünü və ciddi bir şey olmadığını düşünərək uşağı tibb məntəqəsinə aparmayıb.

Məhkəmə belə nəticəyə gəlib ki, hadisə müəllim tərəfindən şagirdə lazımi nəzarətin olmaması səbəbindən baş verib. Şagirdin anası 5 milyon rubl təzminat tələb etsə də, məhkəmə bu məbləği 550 minə endirib.