Türkiyə-Azərbaycan Universitetinin türkiyəli professorları yeni yaradılan ali təhsil ocağının tələbələr üçün hansı fürsətləri təqdim edəcəyindən danışıb.
AzEdu.az xəbər verir ki, İstanbul Texniki Universitetinin professoru Ömər Faruk Beyca, Orta Şərq Texniki Universitetinin professoru Okan Topçu və Hacettepe Universitetinin professoru Ümran Uygun universitetin verəcəyi təhsil imkanlarından söz açıblar.
Türkiyə-Azərbaycan Universitetinin dünya miqyasında möhtəşəm bir model olduğu, ən böyük üstünlüyünün Türkiyənin ən tanınmış universitetlərinin müəllimlərinin və ali təhsil sahəsindəki potensialının Azərbaycana gətirilməsi olduğu vurğulanıb.
