Mingəçevir Dövlət Universitetinin (MDU) bir qrup əməkdaşı Ramazan bayramı münasibətilə bu ali təhsil müəssisəsinin Vətən müharibəsində şəhid olmuş məzunları Kənan Abdullayev, Oruc Nəcəfli və Əzəmi Hüseynovun ailələrini ziyarət ediblər.
MDU-dan AzEdu.az-a bildirilib ki, görüşlər zamanı ölkəmizin ərazi bütövlüyü, respublikamızın suverenliyi uğrunda canından keçmiş şəhidlərin əziz xatirəsi ehtiramla anılıb, onların ailə üzvləri müqəddəs Ramazan bayramı münasibətilə təbrik edilib.
Şəhid ailələri onlara göstərilən yüksək diqqət və qayğıya görə ölkə rəhbərliyinə minnətdarlıqlarını bildiriblər.
