“Xaricdə doktorantura təhsilinin maliyyələşdirilməsi üçün dövlət proqramına müraciət zamanı tələb olunanlardan biri də tövsiyə məktubudur”.

AzEdu.az xəbər verir ki, bunu 2019-2023 Dövlət Proqramı İdarəetmə qrupunun rəhbəri Turan Topalova xaricdə doktorantura təhsili üzrə sənəd qəbulundan danışarkən deyib.

Qrup rəhbəri tövsiyə məktubunun kimin tərəfindən yazıla biləcəyi məsələsinə aydınlıq gətirib:

“Bu məktub sizi çox yaxından tanıyan, bacarıqlarınıza bələd olan şəxslər tərəfindən yazılır. Həmin şəxs sizin birbaşa işlədiyiniz elmi rəhbər, yaxud təhsil aldığınız müəssisədə sizə dərs deyən professor ola bilər”.