Sosial şəbəkələrdə analıq məzuniyyətinə çıxan və adının çəkilməsini istəməyən müəllim yenidən öz fəaliyyətinə davam edə bilməməsi ilə bağlı narazılığını ifadə edib. Onun sözlərinə görə Dağlıq Şirvan Regionlar Təhsil İdarəsi vakansiyiları gizlətdiyi üçün o, öz işinə qayıda bilmir. Müəllim qeyd edib ki, vakansiyaları gizlədərək, müəllimlərin fəaliyyətinə mane olurlar.

Bəs həqiqətən də vakansiyalar gizlədilir?

Məsələni aydınlaşdırmaq üçün AzEdu.az Dağlıq Şirvan Regional Təhsil İdarəsinə müraciət edib.

İdarədən bildirilib ki, sözügedən məsələnin vakansiyanın gizlədilməsi ilə heç bir əlaqəsi yoxdur:

“Həmin mövzu ilə əlaqəli anlaşılmazlıq yaranmışdır. Artıq məsələ həllini tapıb və hazırda heç bir problem yoxdur”.