"İndi orta məktəblərdə şagirdlərə tədris olunan fənləri mənimsəmək olduqca çətindir".

AzEdu.az xəbər verir ki, bu barədə Ukraynanın təhsil və elm naziri Oksen Lesovoy Ukrayna məktəblilərinin bu gün oxuduqları fənlərin sayı ilə bağlı danışarkən bildirib.

Onun sözlərinə görə, COVID-19 pandemiyası ilə iki illik mübarizə uşaqların psixoloji və fiziki yükünü artırıb.

“Çoxsaylı fənlər və onlayn təhsil uşaqlara əlavə ağırlıq gətirib. Məsələn, 7-9-cu siniflərdə 20-yə yaxın fənn var. Belə bir yükün hətta stress olmadan və onlayn öyrənmədən qəbul etmək çətindir "-deyə Lesovoy qeyd edib.

O, vurğulayıb ki, ən sonda uşaqlar özləri üçün prioritet seçdikləri fənlərə diqqət yetirirlər.

“Əslində, məsələ nə qədər fənnin olmasında deyil, söhbət kurikulumların necə optimallaşdırılmasından, uşaqların sinifdə və ev tapşırıqları üçün hansı tapşırığı almasından, təhsilin hansı formada keçirilməsindən gedir”, - nazir bildirir.

Nəticədə Lesovoy ictimaiyyəti məktəblilərin keyfiyyətli təhsil alması üçün imkanların yaradılması ilə bağlı dialoqa dəvət edib.

“Ona görə də sizdən xahiş edirəm ki, bu məsələ ilə bağlı fikrinizi şərhlərdə bölüşəsiniz və övladlarınızın xaricdə məktəblərə getməsi ilə bağlı təcrübənizi bizə bildirəsiniz. Bizim ümumi məqsədimiz uşaqların keyfiyyətli, faydalı və müasir təhsil almasına imkan yaratmaqdır. Elə isə gəlin ünsiyyət quraq”, – deyə təhsil və elm naziri müraciət edib.