Təhsil İnstitutunun Təhsil işçilərinin peşəkar inkişafı mərkəzi 2017-ci ildən “Peşəkar ol” layihəsini davam etdirir.
İnstitutdan AzEdu.az-a bildirilib ki, cari il üçün daxil olan müraciətlər əsasında ilk təlimlərin Bakı Slavyan Universitetinin (BSU) tələbələri üçün keçirilməsi planlaşdırılır. Belə ki, BSU-nun pedaqoji fakültələrində təhsil alan sonuncu kurs bakalavr və magistratura tələbələri üçün “Peşəkar ol” proqramı əsasında təlimlərə start veriləcək.
Sentyabrın 21-dən etibarən keçiriləcək təlim proqramı 12 akademik saatı əhatə edir. Təlim zamanı iştirakçılar mütəxəssislər tərəfindən aşağıdakı mövzularda məlumatlandırılacaq:
- J.Piajenin “Zehni inkişafın mərhələləri” nəzəriyyəsi;
- Məktəbdaxili qiymətləndirmə;
- Yazı işlərinin təşkilində səmərəli üsullar;
- Dinləyib-anlama və danışma fəaliyyətləri üzrə işin təşkili metodikası;
- İnklüziya nədir?
Təlimlərin keçirilməsində məqsəd yeniliyə açıq və multifunksional təhsil işçiləri formalaşdırmaqda universitetlərə dəstək göstərməkdir.
kitabı