İSTƏK liseyi təsisçisinin 5 iyul 2018-ci il tarixli qərarı ilə liseyin bütün kampuslarının fəaliyyəti dayandırılıb.

AzEdu.az xəbər verir ki,  valideyn və şagirdlərdəki narahatlığı nəzərə alan İSTƏK liseyinin rəhbərliyi onlara müraciət ünvanlayaraq, bəzi məsələlərə aydınlıq gətirib:

“İSTƏK liseyinin fəaliyyətini dayandırması ilə bağlı Təhsil Nazirliyi tərəfindən liseydə təhsil alan və 1-ci siniflərə yeni qəbul olunmuş bütün şagirdlərin valideynlərinin seçiminə əsasən dövlət ümumi təhsil müəssisələrində yerləşdirilməsi üçün lazımi şərait yaradılacaq.

Bununla yanaşı, liseyin rəhbərliyi övladının təhsilini digər özəl təhsil müəssisələrində davam etdirmək niyyəti olan valideynlərə bu istiqamətdə dəstək göstəriləcək”.

Müraciətdə təhsilhaqlarının qaytarılması məsələsinə də toxunulub:

“Bu həftə ərzində İSTƏK liseyinin rəhbərliyi ilə valideynlər tərəfindən növbəti təhsil ili üçün ödənilmiş təhsil haqlarının qaytarılması məsələsinə baxılacaq, təhsil haqlarının qaytarılma tarixi açıqlanacaq və açıqlanan tarixdə bütün valideynlərin təhsil haqları geri qaytarılacaq.

Artıq şagirdlərin sənədlərinin təhvil alınması prosesi başlanıb. Bunu nəzərə alaraq, Bakı şəhərində Akademik Zərifə Əliyeva adına lisey (Hüseyn Cavid prospekti, 253-cü məhəllə), bölgələrdə isə övladınızın təhsil aldığı liseyin yerləşdiyi şəhər / rayonun (Sumqayıt, Şirvan, Lənkəran, Quba, Ağdaş, Mingəçevir, Gəncə və Şəki) təhsil şöbəsinə yaxınlaşaraq sənədləri əldə edə bilərsiniz”.

Müraciətdə rəhbərlik valideynləri təxribat xarakterli çağırışlara uymamağa çağırıb:

“Hörmətli valideynlər,

Sizi İSTƏK liseyinin fəaliyyətini dayandırması ilə bağlı sosial mediada yayılan müxtəlif şayiələri və təxribat xarakterli xəbər və çağırışları ciddi qəbul etməməyə və təmkinli olmağa dəvət edirik. Hazırkı vəziyyətdə İSTƏK liseyinin rəhbərliyinin əsas məqsədi şagirdlərimizin təhsildən kənarda qalmamasıdır və bu istiqamətdə sizə dəstəyimizi əsirgəməyəcəyik.

Gedişatla bağlı yeni məlumatların İSTƏK liseyi internet səhifəsindən (www.istek.edu.az) mütəmadi olaraq valideynlərin diqqətinə çatdırılması nəzərdə tutulub».

Sonda şagirdlərin köçürüləcəyi özəl məktəblər və Təhsil Nazirliyinin birbaşa tabeliyində olan lisey-gimnaziyaların siyahısı göstərilib:

Təhsil Nazirliyinin nəzarətində olan lisey və gimnaziyalar:

“Heydər Əliyev adına lisey

Akademik Zərifə Əliyeva adına lisey

T.İsmayılov adına 6 nömrəli məktəb-Lisey

132-134 nömrəli Təhsil Kompleksi

T.Həsənov adına 23 nömrəli tam orta məktəb

S.C.Pişəvəri adına humanitar fənlər gimnaziyası

S.Bəhlulzadə adına xarici dillər təmayüllü gimnaziya ([email protected])

A.S.Makarenko adına Humanitar Fənlər Təmayüllü Respublika gimnaziyası

S.Rüstəm adına xarici dillər təmayüllü gimnaziya

İlyas Əfəndiyev adına Elitar gimnaziya

İ.Hacıyev adına "Tərəqqi" texniki-humanitar liseyi

Humanitar fənlər təmayüllü məktəb-lisey

Fizika-riyaziyyat və informatika təmayüllü Respublika liseyi

Kimya-biologiya təmayüllü Respublika liseyi

Bakı Avropa Liseyi

"Zəngi" liseyi

"Ankara məktəbi" məktəb-liseyi

Bakı Slavyan Universitetinin nəzdində Məktəb-Lisey Kompleksi 

Azərbaycanda fəaliyyət göstərən özəl təhsil müəssisələri

Heydər Əliyev adına Müasir Təhsil Kompleksi

Avropa Azərbaycan Məkəbi

İdrak liseyi (Bakı)

Kaspi liseyi

Erudit məktəbi

Müasir İnnovasiyalar Liseyi

Bakı Modern məktəbi

Azerbaijan British College

Evrika liseyi

Bakı Fransız Liseyi

Bakı Britaniya məktəbi

SABİS SUN

Dünya liseyi

Şəmkir Oxford Məktəbi

Milli Qəhrəman M. İbrahimov adına Biləsuvar Təhsil Kompleksi

Oxbridge Academy

XXI Əsr Beynəlxalq Təhsil və İnnovasiya Mərkəzi