Dekabrın 26-da saat 11:00-da Təhsil Nazirliyinin dəstəyi ilə “T-NETWORK” təhsil işçilərinin təcrübə və kommunikasiya platforması “Təhsil işçilərinin həmrəylik görüşü”nü təşkil edəcək.

“T-NETWORK”dan  bildirilib ki, Dünya Azərbaycanlılarının Həmrəylik Gününə həsr olunacaq görüşdə həmvətənlərimizin yaşadığı ölkədəki məktəb adət-ənənəsi, valideyn, müəllim, şagird əməkdaşlığı istiqamətindəki yanaşmalar, idarəçilik baxışı, təhsilin inkişafı istiqamətində atılan addımlar, ölkəmizlə müqayisədə müşahidə edilən fərqlər fikir mübadiləsinin əsasını təşkil edəcək.