https://www.zirve.edu.az/
23.11.2020 15:51
AzTU tələbələri üçün növbəti iş imkanları yaradılıb - MEMORANDUM

Azərbaycan Texniki Universiteti (AzTU) ilə “Improtex Trucks & Busses” MMC arasında əməkdaşlıq haqqında memorandum imzalanıb.

 

Universitetdən AzEdu.az-a verilən məlumata görə, sənədi rektor Vilayət Vəliyev və şirkətin direktoru Fərid Abdullayev imzalayıb. Memoranduma əsasən, tərəflər logistika sahəsində elmi-texniki, innovativ və texnoloji yeniliklərin tətbiqi istiqamətində əməkdaşlıq edəcək. 

 

Əməkdaşlıq çərçivəsində şirkət universitetin gənc startapçılarının layihələrinin reallaşdırılması və icrasına dəstək göstərəcək. Bundan başqa, xarici ölkələrin aparıcı ali təhsil müəssisələrinin bu sahə üzrə mütəxəssislərinin qısa müddətli təlimlərin keçirlməsi üçün universitetə dəvət olunması da nəzərdə tutulub. Sənədə əsasən, AzTU-nun bakalavr, magistr, doktorantura pillələrində təhsil alan müasir düşüncəli, mütərəqqi texnologiyaların tətbiqini mənimsəyən tələbələri şirkətdə işlə təmin olunacaq.