Şimali Avropanın Baltik regionunda yerləşən Estoniyanın tarixinə nəzər saldıqda burada təhsillə bağlı bir sıra mühüm hadisələrə rast gəlmək olar. Estoniyanın ən qədim ali təhsil ocağı olan Tartu Universiteti 1632-ci ildə yaradılıb. Təhsil sahəsində qazandığı uğurlara görə reytinq cədvəlində Baltikyanı ölkələr sırasında bir nömrəli universitetdir. Ölkənin təhsil sistemi məktəbəqədər təhsil, əsas təhsil, orta təhsil və ali təhsil səviyyələrindən ibarətdir. Estoniyanın ali təhsil sistemi iki hissədən ibarətdir. Ali təhsil müəssisələrindən olan universitetlər və ali peşə təhsil müəssisələri. Dünyanın dörd bir yanından burada tələbələr təhsil alır.
AzEdu.az Estoniya təhsilinin üstünlüklərini təqdim edir:
Şimali Avropada olan İsveç, Danimarka, Finlandiya, Norveç, Litva, Latviya kimi ölkələrlə müqayisədə Estoniyada universitet xərcləri aşağıdır.
Universitet məzunu olduqdan sonra iş axtarma izni verməsi və işləmək imkanı olduğu halda uzun müddət ölkədə qalmaq şansı olması Estoniyada təhsil almağın avantajları arasındadır.
Şimali Avropaya yaxın olan bu ölkədə aşağı qiymətlə yüksək təhsil almaq mümkündür.
Estoniya iqtisadi baxımdan inkişaf edən ölkədir. Estoniyanın paytaxtı Tallində ictimai nəqliyyatın ödənişsiz olması oğurluq, fırıldaqçılıq ən aşağı səviyyədə olduğu, hüquq və insan haqları sahəsində təkmilləşən Estoniya yüksək səviyyədə güvənli ölkədir.
Təhsil səviyyəsi olduqca yüksək olan Estoniyada insanların 70%-dən çoxu ingiliscə danışır və buda burada təhsil almağın üstünlüklərindəndir.
Estoniya dünyanın ən yüksək internet sürətinə sahib olan ölkəsidir və ölkənin hər yerində ictimaiyyət üçün pulsuz “Wi-Fi” var.
Günel YAŞARQIZI
kitabı