Azərbaycan Texniki Universitetinin (AzTU) Radiotexnika və telekommunikasiya kafedrasının müəllimi, professor Bayram İbrahimov Penza Dövlət Universitetində onlayn keçirilən “Etibarlılıq və keyfiyyət” adlı üçgünlük XXVI beynəlxalq simpoziumda iştirak edib.

AzTU-dan bildirilib ki, Bayram İbrahimov simpoziumun “Etibarlılıq, keyfiyyət və təhlükəsizliyin sistemli əsasları” bölməsində “Çoxxidmətli telekommunikasiya şəbəkələrinin aparat-proqram kompleksinin və terminal vasitələrinin imtinaya qarşı dayanıqlığının yüksəldilməsi üsullarının tədqiqi” mövzusunda məruzə ilə çıxış edib.

Tədbirin bağlanış mərasimində bildirilib ki, AzTU-nun professoru Bayram İbrahimov növbəti üç il müddətinə beynəlxalq simpoziumun təşkilat komitəsinə üzv seçilib.