Cənubi Koreyanın Əsas Elmlər İnstitutunun tədqiqatçıları çevik elektron cihazlar üçün quru köçürmə ilə innovativ çap texnikası hazırlayıblar.

AzEdu.az “Technology networks” saytına istinadla xəbər verir ki, bu texnika ilə keyfiyyətli elektron materiallar sintez edilir və kristal quruluşa nail olmaq üçün yüksək temperaturla işlənilir. Bununla belə, yuxarı temperatur bu cür materialların birbaşa çevik və dartılan substratlarda emal edilməsini çətinləşdirir. Bu problemi həll etmək üçün lazer və suda delaminasiya kimi müxtəlif üsullar hazırlanılıb. Lakin belə üsullar bahalı avadanlıq, əlavə emal tələb edir və ya xüsusi mühitlərlə məhdudlaşır.

Bu çətinliklərin öhdəsindən gəlmək üçün tədqiqat qrupu nazik plyonka içərisindən zərərsiz quru köçürmə çap metodu hazırlayıb. Yeni üsul yüksək temperaturda işlənmiş metal və oksid təbəqələrinin zədələnmədən çevik substratlara köçürülməsinə imkan verir. Püskürtmə parametrlərini tənzimləyərək, komanda nazik plyonka daxilində gərginliyin növü və böyüklüyünə nəzarət edib. Onlar gərginlik həddini maksimuma çatdırmaq üçün müxtəlif gərginliklərə malik ikiqatlı strukturlar yaradıblar və xarici əyilmə deformasiyası vasitəsilə əlavə dartılma gərginliyi tətbiq ediblər. Nəticədə bu proses gərginlik enerjisinin sərbəst buraxılma sürətini maksimum dərəcədə artırır, nazik təbəqə və substrat arasındakı gücü üstələməklə etibarlı delaminasiyaya imkan verir.

“Bizim yeni çap metodumuz zəhərli maddələrdən kənardır, cihazın zədələnməsini minimuma endirir və sonrakı emal ehtiyacını aradan qaldırır. Nəticədə köçürmə az bir vaxtda həyata keçirilir. Bu metodla zamana da qənaət etmiş oluruq”, - deyə tədqiqatın həmmüəllifi doktor Şin Yonsu bildirib.