![](https://azedu.az/uploads/news/2024/07/azedu.az_1-b_tn_230.jpg)
Elm və təhsil naziri Emin Əmrullayev, Qida Təhlükəsizliyi Agentliyinin sədri (AQTA) Qoşqar Təhməzli Bakı Mühəndislik Universitetinin (BMU) geniş elmi-tədqiqat imkanlarına malik laboratoriyaları ilə tanış olublar.
Universitetdən AzEdu.az-a bildirilib ki, Kimya və kimya mühəndisliyi, Biologiya, Kibertəhlükəsizlik, Kompüter, Mexanika mühəndisliyi, Elektronika və digər laboratoriyalar barədə qonaqlara məlumat verən BMU-nun rektoru Yaqub Piriyev universitetdə tədqiqatlar aparmaq, təhsilalanların nəzəri biliklərini təcrübədə tətbiq etmələri üçün hər cür şəraitin yaradıldığını bildirib.
Universitet rəhbəri kibertəhlükəsizlik sahəsində ixtisaslaşmış kadr hazırlığına ehtiyac duyulduğunu, bu yeni sahənin sürətli inkişafına zərurətin yarandığını qeyd edərək, BMU-da istifadəyə verilən Kibertəhlükəsizlik laboratoriyasının əhəmiyyətinə diqqət çəkib. Həmçinin bu gün sənaye və istehsalat sahələrinə aid problemlərin universitetlərdə araşdırıldığını, bu baxımdan BMU-nun tədqiqatyönümlü fəaliyyət üçün daha geniş imkanları diqqətdə saxladığını deyib.
Tanışlıq zamanı vurğulanıb ki, bugünkü universitetlərin inkişafı, tədqiqatyönümlü olması müasir dövrün qlobal çağırışlarıdır, əmək bazarı yeni bilik və bacarıqlar tələb etdiyi üçün universitetlərin nəzəriyyəni praktikaya tətbiq etmək imkanları daha geniş olmalıdır. BMU ilə qida təhlükəsizliyi sahəsində birgə elmi-praktiki araşdırmaların, tədqiqatların aparılması, bu sahə üzrə mütəxəssislərin hazırlanmasında müasir laboratoriyaların rolu önə çəkilib, qarşılıqlı dəstəklə uğurlu işlər görməyin mümkünlüyü nəzərdən keçirilib. Eyni zamanda son illərdə elmi-tədqiqat institutları ilə ali təhsil müəssisələrinin qarşılıqlı fəaliyyətinin uğurlu nəticələr ortaya qoyduğu qeyd edilib, bu mənada müasir laboratoriyalara malik BMU ilə Azərbaycan Qida Təhlükəsizliyi İnstitutu arasında yeni imzalanan əməkdaşlıq memorandumundan gözləntilərin böyük olduğu bildirilib.
Universitet Texnoparkına da baxış keçirən qonaqların diqqətinə çatdırılıb ki, startapların inkişafı və onlara dəstək məqsədilə BMU-da inkubasiya proqramına start verilib. Startaplar işgüzar şəbəkə dəstəyi, marketinq, mühasibatlıq dərsləri, mentor təlimləri, investisiyaya və bazara çıxış kimi müxtəlif inkubasiya xidmətləri ilə təmin olunub.
Tələbələrin irəli sürdüyü ideyalar əsasında formalaşdırılmış startaplarla yaxından tanış olan Emin Əmrullayev və Qoşqar Təhməzli yeni dövrün tələblərinə uyğun layihələr hazırlayan gənclərlə səmimi söhbət edib, onların startaplarının mahiyyəti, ideyalarını biznesə çevirmələri barədə maraqlı fikirlərini dinləyib, öz tövsiyələrini veriblər.
kitabı
![MİQ-dən yüksək nəticə: O, 92 bal TOPLADI MİQ-dən yüksək nəticə: O, 92 bal TOPLADI](https://azedu.az/uploads/news/2024/07/azedu.az_WhatsApp_Image_2024-07-02_at_11.56.56_573.jpeg)
![Daha bir kollec məzunu MİQ-dən yüksək bal topladı – “Paytaxtda işləməyi düşünmürəm” Daha bir kollec məzunu MİQ-dən yüksək bal topladı – “Paytaxtda işləməyi düşünmürəm”](https://azedu.az/uploads/news/2024/07/azedu.az_WhatsApp_Image_2024-07-03_at_14.31.21_792.jpeg)
![Sertifikasiyada fənlər üzrə 0-29 bal nəticəsi olan rayonların SİYAHISI Sertifikasiyada fənlər üzrə 0-29 bal nəticəsi olan rayonların SİYAHISI](https://azedu.az/uploads/news/2024/06/azedu.az_1693640778_teacher_exam_060922_1_(2)_829.jpg)
![Növbəti sertifikasiyada hansı fənn müəllimləri iştirak edəcək? - AÇIQLAMA Növbəti sertifikasiyada hansı fənn müəllimləri iştirak edəcək? - AÇIQLAMA](https://azedu.az/uploads/news/2024/06/azedu.az_1687245153_16869259804265122431_869.jpg)
![MİQ-dən ən yüksək bal toplayan NAMİZƏDLƏR MİQ-dən ən yüksək bal toplayan NAMİZƏDLƏR](https://azedu.az/uploads/news/2024/07/azedu.az_1654501759_miq_324.jpg)
![Bu müəllimlər üçün sertifikasiyanın müsahibə mərhələsinin vaxtı açıqlanıb Bu müəllimlər üçün sertifikasiyanın müsahibə mərhələsinin vaxtı açıqlanıb](https://azedu.az/uploads/news/2024/06/azedu.az_1688988956506282590_1200x630_938.jpg)
![Nəticələr onu göstərdi ki, Azərbaycan müəllimi sertifikasiyaya hazırdır Nəticələr onu göstərdi ki, Azərbaycan müəllimi sertifikasiyaya hazırdır](https://azedu.az/uploads/news/2024/06/azedu.az_elsen_(3)_828.png)
![Sertifikasiya: Ən çox bu bölgələr zəif nəticə göstərib Sertifikasiya: Ən çox bu bölgələr zəif nəticə göstərib](https://azedu.az/uploads/news/2024/06/azedu.az_azedu.az_azedu.az_azedu.az_1661926915_photo_175681_939_(2)_342_(1)_466_(1)_819.jpg)