Şəki-Zaqatala Regional Təhsil İdarəsinin tabeliyindəki 17 ümumtəhsil məktəbində 4379 şagird STEAM layihəsinə cəlb edilib.

AzEdu.az xəbər verir ki, Regional Təhsil İdarəsindən məlumat verilib. Bildirilib ki, layihə çərçivəsində Balakən rayonu üzrə 1486, Şəki şəhəri üzrə 1061, Zaqatala rayonu üzrə 615, Qəbələ rayonu üzrə 567, Qax rayonu üzrə 493, Oğuz rayonu üzrə isə 247 şagird bilik və bacarıqlarını formalaşdırır, qabiliyyətlərini artırır.

Qeyd edək ki, STEAM layihəsinin məqsədi təhsilalanlarda tənqidi, yaradıcı düşüncə, əməkdaşlıq etmə və s. kimi XXI əsr bacarıqlarını formalaşdırmaq, yaradıcı proses vasitəsilə öyrənmə imkanı yaratmaq, fənləri inteqrativ, real problemlərin həlli istiqamətində tətbiqlərə əsaslanan vahid öyrənmə modelində birləşdirmək, müxtəlif proqramlaşdırma dillərinin tətbiqi ilə müasir İKT avadanlıqlarından istifadə edə bilmək qabiliyyətlərini yüksəltməkdir.