Məktəbli avtobusunun aşması nəticəsində 11 uşaq xəsarət alıb.

AzEdu.az xarici KİV-ə istinadən xəbər verir ki, hadisə ABŞ-ın Aydaho ştatında baş verib.

Bu barədə ştatın Polis Departamenti məlumat yayıb.

Məlumata görə, qəza zamanı avtobusda ümumilikdə 30 nəfər olub.

13-18 yaşlı uşaqları yay düşərgəsinə aparan avtobusun qəzaya uğraması nəticəsində xəsarət alanlar arasında 7 nəfərin vəziyyəti ağırdır, 4 nəfər isə yüngül xəsarətlər alıb.

Hazırda qəzanın səbəbləri araşdırılır.