Azedu.az
https://modern.az/ https://www.instagram.com/apak.az/
2023-06-24 13:38:57
Məzun günündə insident yaşanıb? - DİN açıqladı  

Dünən - 23 iyunda Azərbaycan universitetlərinin bir çoxunda tələbələrin məzun günü keçirilib. Minlərlə tələbənin 4 illik təhsil həyatı sona çatıb.

 

 

Məzun günləri ölkə ərazisində yerləşən geniş arenalarda baş tutdu. Minlərlə tələbənin olduğunu nəzərə salsaq, onlara nəzarətin də həyata keçirilməsi ciddi şəkildə təşkil olunmalı idi. Bu iş üçün Daxili İşlər Nazirliyi (DİN) həmin ərazilərə əməkdaşlarını cəlb edib. 

 

Bəs ölkə ərazisində keçirilən məzun günündə insident yaşanıbmı?

 

Sualımızla bağlı DİN-in mətbuat xidmətinə sorğu ünvanladıq

 

Qurumun mətbuat xidmətinin şöbə rəisi, polis polkovnik-leytenantı Elşad Hacıyev 

AzEdu.az-ın sorğusuna cavab olaraq bildirdi ki, dünənki tarixdə məzun günü ilə bağlı hansısa hadisə qeydə alınmayıb:

 

“Məzunlarla əlaqədar DİN-ə hər hansı bir şikayət daxil olmayıb”.