Bakı şəhəri Xəzər rayonu Zirə qəsəbəsində yerləşən Nüsrət Yaqubov adına 120 nömrəli tam orta məktəbin şagirdi qəfildən vəfat edib.

AzEdu.az xəbər verir ki, sözügedən məktəbin 7-ci sinfində oxuyan İbrahim Əlizadənin qəfil ürəktutmasından öldüyü deyilir. Onun ürəktutmasından dünyasını dəyişdiyini yaxınları bildiriblər.

Hadisə aprelin 21-də baş verib.

Məktəbin adından yazılan başsağlığında mərhum İbrahim Əlizadənin tərbiyəli, mərifətli şagird olduğu, istər müəllim heyəti, istərsə də sinif yoldaşları ilə həmişə mehriban davrandığı bildirilib.

Allah rəhmət eləsin...