Sosial şəbəkələrdə bəzi abituriyentlər və onların valideynləri Dövlət İmtahan Mərkəzi (DİM) tərəfindən təşkil olunan imtanlardakı açıq suallların qiymətləndirilməsindən narazılıq edirlər.

Bəziləri açıq sualların düzgün qiymətləndirilmədiyini, digərləri isə açıq sualları yoxlayan markerlərin cavabları öz şəxsi düşüncələri ilə qiymətləndirdiyini iddia edir.

Bəs açıq sualların qiymətləndirilməsi necə aparılır ?

AzEdu.az-ın DİM-dən aldığı məlumata əsasən, etalonlar ekspertlər tərəfindən hazırlanır, bu etalonlar tapşırığa verilə biləcək tam və qismən düzgün cavabları, qiymətləndirmə meyarlarını ehtiva edir. Yəni markerlər cavabları öz subyektiv fikirləri əsasında yox, onlara verilən meyarlar əsasında qiymətləndirir.