Bu gün Azərbaycan Dillər Universitetinin rektoru akademik Kamal Abdullanın rəhbərliyi ilə böyük bir heyət Azərbaycanın Milli Qəhrəmanı Mübariz İbrahimov adına Biləsuvar Bağça-Məktəb-Lisey Təhsil Kompleksinə iki təhsil müəssisəsi arasında ötən günlərdə imzalanan qarşılıqlı əməkdaşlıq memorandumu çərçivəsində işgüzar səfər ediblər.
Qonaqlar şagirdlər tərəfindən hazırlanan maraqlı rəqs sintezi ilə qarşlandıqdan sonra liseyin şagirdləri İbişova Zəhra və Eyvazlı Əmirəlinin ingiliscə təqdimatında Kompleksdə fəaliyyət göstərən STEAM mərkəzi ilə tanış olublar.
Daha sonra Kompleksin 10 və 11-ci sinif şagirdlərinin Azərbaycan dili kafedrasının rəhbəri Rövşən Adıyevin rəhbərliyi ilə hazırladığı “110 kitab” layihəsinin təqdimatı qonaqlar tərəfindən maraqla qarşılanıb.
Davamında Biləsuvar Rayon İcra Hakimiyyətinin baçşısı Faiq Qürbətovun da iştirak etdiyi Kompleksin pedaqoji heyəti ilə görüş baş tutub.
Görüşdə Kompleksin icraçı direktoru Aqşin Bağırov, Biləsuvar Rayon İcra Hakimiyyətinin başçısı Faiq Qürbətov, Azərbaycan Dillər Universitetinin rektoru Kamal Abdulla və qonaqlar çıxış ediblər.
Sonda qonaqlara hədiyyələr təqdim olunub, xatirə şəkli çəkdirilib.
kitabı
_197.jpg "Sertifikasiya: “Təkrar imtahan müəllimlər üçün böyük şansdır”")
_690.jpg "I ixtisas qrupunda tələbat olmayan İXTİSASLAR")
_445.jpg "“Bu il magistraturaya qəbulda güclü rəqabət olacaq”")
