“Oktyabrın 18-də 55 yaşım olacaq. Özümə söz verdim ki, bu doğum günümdə sertifikasiyadan 55 bal toplamalıyam, nəticədə 55 görüb şok oldum.”.

Bu sözləri AzEdu.az-a açıqlamasında sertifikasiyanın test imtahan mərhələsində ibtidai sinif üzrə 55 bal toplayan Şəlalə Quliyeva deyib.

O, Nizami rayon 238 nömrəli məktəbdə ibtidai sinif müəllimi olaraq fəaliyyət göstərir.

“Ad günümə sertifikasiyadan yüksək bal toplamağı hədiyyə edirəm. Hamıya tövsiyəm öz üzərində çalışsınlar”-deyə, müəllim söyləyib.