Ukraynanın ikinci ən böyük şəhəri olan Xarkovda məktəb binası raket hücumuna məruz qalıb.

AzEdu.az xarici KİV-lərə istinadən xəbər verir ki, bu barədə məlumatı Xarkov  vilayət hərbi administrasiyasının rəhbəri Oleq Sinequbov "Telegram" kanalında bildirib.

Onun sözlərinə görə, bu gün yerli vaxtla səhər saat 4-də Rusiya ordusu Xarkovun Şevçenkovski rayonuna raket hücumu həyata keçirib. Nəticədə məktəb binası dağılıb. Hadisə nəticəsində xəsarət alanların olmadığı qeyd olunub.