Azedu.az
https://modern.az/ https://www.instagram.com/apak.az/
2022-03-08 12:00:00
Bu şəxslər qəbul imtahanı ödənişindən azaddırlar- DİM

 

Ali təhsil müəssisələrinə və tam (11 illik) orta təhsil bazasında orta ixtisas təhsili müəssisələrinə qəbul üçün ilk dəfə müraciət edən şəxslərdən hər hansı bir ödəniş tələb olunmur.

 

AzEdu.az xəbər verir ki, Dövlət İmtahan Mərkəzinin  Mətbuatla iş şöbəsinin müdiri Xanlar Xanlarzadə həmin şəxxslərin ödənişinin dövlət büdcəsi hesabına həyata keçirildiyini bildirib.

 

Hazırda 11-ci sinifdə təhsil alanlar, yaxud ümumi təhsil müəssisələrindən əvvəlki illərdə məzun olanlar ilk dəfədir sənəd qəbulunda iştirak edirlərsə, onlar ödənişdən azaddırlar.

 

Aşağıda qeyd olunan şəxslər isə neçə dəfə sənəd qəbulunda iştirak etməklərindən asılı olmayaraq birbaşa ödənişdən azaddırlar:

 

  • Azərbaycanın ərazi bütovlüyünü müdafiə edərkən əlilliyi müəyyən edilən şəxslərin övladları;
  • Şəhid ailəsi üzvləri;
  • Məcburi köçkün statusuna malik olan şəxslər;
  • Valideynini itirmiş, yaxud valideyn himayəsindən məhrum olan şəxslər;
  • I və II qrup əlilliyi olanlar, eyni zamanda sağlamlıq imkanları məhdud olan 18 yaşına çatmamış şəxslər;

 

Qeyd olunan şəxslərin məlumatları Mərkəızin sisteminə inteqrasiya olunub. Sadəcə daxil olduqda ödənişdən azad olunduqlarını görəcəklər və bunun əsasında ərizələrini təsdiq edəcəklər.