2021/2022-ci tədris ilində Bakı Mühəndislik Universitetini (BMU) seçən yüksək ballı tələbələrin sayında əvvəlki illərdə müqayisədə artım müşahidə olunub. Belə ki, cari tədris ilində BMU-nun bakalavr pilləsinə qəbul olan tələbələrdən 54 nəfəri 600-dən yüksək bal toplayıb.

AzEdu.az xəbər verir ki, bu barədə universitetdən Modern.az-a bildirilib. Bu tələbələrdən 51 nəfəri Mühəndislik, 2 nəfəri Pedaqoji və 1 nəfəri isə Memarlıq və inşaat fakültəsinin payına düşür. 

BMU-ya yüksək balla daxil olan tələbələrin ən çox müraciət etdiyi İnformasiya texnologiyaları ixtisası olub. Belə ki, bu ixtisasa qəbul olan tələbələrin 40 nəfəri ingilis dili bölməsini, 3 nəfəri isə Azərbaycan bölməsini seçib. 

Yüksək ballı tələbələrimiz arasında ən yüksək bal toplayan Ayxan Tağıyev (660.9 bal) BMU-nun İnformasiya texnologiyaları ixtisasının ingilis dili bölməsinə daxil olub.

BMU-nun yüksək ballı tələbələri ilə bağlı ətraflı məlumatları aşağıdakı link vasitəsilə əldə etmək mümkündür: https://beu.edu.az/az/page/249