“SABAH” qruplarından 2020-2021-ci tədris ilində məzun olan tələbələrin 63,2 faizi 2021-2022-ci tədris ili üçün magistratura səviyyəsinə qəbul imtahanında iştirak edib.

Təhsil Nazirliyindən AzEdu.az-a bildirilib ki, onlardan 95,8 faizi keçid balını toplayıb.

“SABAH” qrupları tələbələrindən 1 nəfəri məntiq (50/50), 1 nəfəri informatika (25/25), 7 nəfəri isə ingilis dili (25/25) üzrə maksimal bal yığıb.

Qeyd edək ki, 2020-2021-ci tədris ilində “SABAH” qruplarından 28 ixtisas üzrə 759 tələbə məzundur.