Təhsil naziri ADNA faciəsi qurbanlarının xatirəsini anmaq üçün universitetə gedib.

AzEdu.az xəbər verir ki, Təhsil naziri Ceyhun Bayramov 10 il bundan əvvəl ADNA-da (indiki Azərbaycan Dövlət Neft və Sənaye Universiteti) baş vermiş terror hadisəsi nəticəsində həlak olan tələbə və müəllimlərin xatirəsini anıb.

Qeyd edək ki, bu gün Azərbaycan Dövlət Neft Akademiyasında (ADNA) törədilən qətliamdan 10 il ötür. Hər kəsi dəhşətə gətirən hadisə 2009-cu il aprel ayının 30-u səhər saat 09:30-da baş verib. ADNA-nın Bakı şəhəri Dilarə Əliyeva küçəsi, 227 saylı ünvanda yerləşən ikinci korpusuna daxil olan silahlı şəxs inzibati binanın birinci mərtəbəsindən altıncı mərtəbəsinədək qarşısına çıxan hər kəsə ”Makarov” tipli tapançadan atılan atəşlə xəsarət yetirib. Nəticədə 12 nəfər dünyasını dəyişib, 13 nəfər müxtəlif dərəcəli bədən xəsarəti alıb.