Novruzov qardaşları adına 36 nömrəli tam orta məktəbin 7-ci sinif şagirdi Raul Səlim ABŞ-nin Stenford Universitetinin məktəbinə qəbul olub.

Bu barədə AzEdu.az-a məktəblinin anası Günay Səfərova məlumat verib.

Qeyd edək ki, Raul Səlim bir çox dünya olimpiadalarının iştirakçısıdır. O, şahmat üzrə Respublika yarışmalarında iştirak edərək müxtəlif yerlərin sahibi olub. 18.11.2023-cü ildə Şahmat üzrə təsnifat turnirində 1-ci yerə layiq görülmüşdür. 19-23 iyul 2022-ci ildə Frankfurt-Maynda keçirilən Beynəlxalq STEAM Olimpiadasının Grand finalında kodlaşdırma üzrə bürünc, Riyaziyyat üzrə bürünc medala layiq görülüb.

18-23 iyul 2023 Parisdə keçirilən Beynəlxalq STEAM olimpiadasının Grand Finalında kodlaşdırma üzrə gümüş, riyaziyyat üzrə bürünc medal alıb.

Həmçinin o, Cernoqoriyada onlayn tədris olunan "Liderlər məktəbinin" məzunudur. 

İngilis, rus, çin eyni zamanda fransız dilini mükəmməl bilir.