Azərbaycan Memarlıq və İnşaat Universitetinin (AzMİU) Nəqliyyat fakültəsinin tələbəsi Ülvi Dadaşzadə İtalyanın Carara şəhərində təşkil olunan kinboks üzrə Dünya Çempionatında ikinci yeri tutub. 

AzEdu.az xəbər verir ki, 94 kq çəkidə rinqə çıxan Ülvi Dadaşzadə əvvəlcə Ukrayna, sonra isə Moldova və İtalya idmançısını məğlub edib. Çempionluğun bir addımında dayanan idmançı tələbəmiz finalda İtalyanın başqa kinboksçusu ilə rinqə çıxıb. Gərgin mübarizədə o, minimum fərqlə İtaliya idmançısına məğlub olub və ikinciliklə kifayətlənib. 

Qeyd edək ki, Ülvi Dadaşzadə bundan əvvəl də bir sıra yerli və beynəlxalq yarışlarda iştirak edib, medallar qazanıb. 

AzMİU-nun dosenti Aqşin Kərimov və Tələbə Həmkarlar İttifaqı Komitəsinin sədri Şahmar Rəfili Ülvi Dadaşzadə ilə görüşərək universitet rəhbərliyi adından onu təbrik edib və gələcək yarışlara hazırlığı ilə bağlı vəziyyətlə maraqlanıblar.