Fövqəladə Hallar Nazirliyinin dalğıcları su kanalında batması ehtimal olunan şəxsin axtarışları nəticələnib.

AzEdu.az xəbər verir ki, bu barədə FHN məlumat yayıb.

Qeyd olunub ki, ötən gün FHN-in "112" qaynar telefon xəttinə Yuxarı Şirvan kanalının Ağdaş rayonunun Dəhnəxəlil kəndi ərazisindən keçən hissəsində 1 nəfərin batması barədə məlumat daxil olub. Məlumatla əlaqədar dərhal hadisə yerinə cəlb edilən FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin “Aran” dalğıc-axtarış qrupu Yuxarı Şirvan kanalında batması ehtimal edilən 2006-cı il təvəllüdlü Kərimli Samir Mirzəmməd oğlunun axtarışlarına başlayıblar.

Axtarışlar nəticəsində kanalda batan şəxsin meyiti tapılıb. Məlumata görə tapılan Fövqəladə Hallar Nazirliyinin dalğıclar tərəfindən aşkarlanan meyit yeniyetməyə aiddir.